Charter Document - 05030872
| Charter Number: | 05030872 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | French |
| Charter Origin: | Lay |
| Charter Type(s): | Grant |
| Date: | 1284 |
| Date type: | Internal, A.D. |
| Resource Link(s): |
|
Charter:
Je Marguerite de Monfort contesse de Soissons fais savoir à tous ciaus qui ces présentes lettres verront et oront que je doins et reconnois avoir donné et laissiet pour Dieu et en aumone dis livres de tournois chascun an pour acheter coteles et solers pour départir chascun an as povres de mes viles de la terre de Gambais par les wart l'abbé des Vaus de Sarnai l'abbé de Grant Champ et la persone de Saint Aignien à penre les devant dis dis livres chascun an à mes moutons de Bourdein et se li mouton ne souffissoient à ce faire je veil c'on prengne le remanant à mes avainne de Bourdein Et à ce faire tenir et fermement paier chascun an oblige je moi et mes oirs et tous mes biens meubles et héritaiges Et pour ce que ce soit ferme chose et estable j'en ai données ces lettres saelées de men propre seal qui furent faites l'an de grasce mil deus cens quatre vins et quatre ans ou mois de septembre