Charter Document - 05030860
| Charter Number: | 05030860 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1284 |
| Date type: | Internal, A.D., Feast |
| Resource Link(s): |
|
Charter:
Omnibus hec visuris decanus de Vernone salutem in Domino Noveritis quod Johannes Baldoini de parrochia de Blaruto recognovit se dedisse contulisse et concessisse in excambium seu ratione permutationis religiosis viris abbati et conventui de Sarneio duos solidos parisienses annui redditus percipiendos annuatim in festo Omnium Sanctorum super unam peciam vinee sitam ad cheminum Ricardi inter vineam Symonis Geriout ex una parte et vineam Roberti le Petre ex altera pro quo excambio dicti religiosi dederunt michi in excambium unam peciam terre sitam in parrochia de Blaruto quam peciam terre Guillelmus dictus Monachus eisdem religiosis in perpetuam elemosinam donavit pro salute anime sue sitam ad Hayam Eremburgis inter terram Aelesie de Curia ex una parte et terram Matildis la Veele ex altera [] In cujus rei testimonium sigillum decanatus de Vernone presentibus litteris ad peticionem dicti Johannis duximus apponendum Actum anno Domini MCC octogesimo quarto die lune post Quasimodo