Charter Document - 05030854
| Charter Number: | 05030854 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1283 |
| Date type: | Internal, A.D. |
| Resource Link(s): |
|
Charter:
Universis tam presentibus quam futuris presentes litteras inspecturis Petrus de Portu tunc temporis prepositus Vernonensis salutem in Domino Noverit universitas vestra quod Theobaldus Carpentarius et Ysabellis ejus uxor recognoverunt se de communi assensu suo et voluntate omnium heredum suorum vendidisse concessisse et hac presenti carta confirmasse religiosis viris abbati et conventui Vallium Sarnaii quamdam peciam terre arabilis quam habebant in feodo Guillelmi de Bellomonte armigeri sitam in parrochia de Tylliaco juxta terram dicti Guillelmi armigeri ex una parte et terram Petri dicti le Camus armigeri ex altera pro sexaginta solidis parisiensibus [] Si vero occasione venditionis et concessionis istius vel pro defectu garancie dictorum venditorum aut heredum suorum prefati religiosi sive eorum successores aliqua dampna seu deperdita incurrerint prenominatus Theobaldus et Ysabellis ejus uxor obligaverunt eis in contraplegium domum suam sitam in villa de Tylliaco ante Crucem ad omnia dampna et deperdita sua valore ad valorem si necesse fuerit plenarie restauranda In cujus rei testimonium sigillum prepositure Vernonensis ad petitionem dictorum venditorum presenti carte dignum duximus apponendum Actum anno Domini MCC octogesimo tercio mense octobri