Charter Document - 05030852
| Charter Number: | 05030852 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1283 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis tam presentibus quam futuris presentes litteras inspecturis ego Guillermus de Bellomonte armiger et ego Mabilia ejusdem Guillelmi uxor salutem in Domino Noverit universitas vestra quod cum religiosi viri abbas et conventus Vallium Sarnaii acquisierint in feodis nostris tres virgatas terre arabilis quas emerunt a Roberto dicto Quaruel et Petronilla ejus uxore sitas in parrochia de Tylliaco juxta chiminum de Andeliaco et terram Symonis le Faucheor ex una parte et terram Guiardi Quaruel et Guillermi Daguet ex altera de quibus tribus virgatis terre dictus Robertus Quaruel et dicta Petronilla ejus uxor nobis reddere consueverant annuatim unam gallinam annui redditus et capitalis dominii per manum Guillermi dicti Brule sive heredum suorum item quamdam peciam terre arabilis ex dono Roberti de Dyepe sitam in dicta parrochia de Tylliaco juxta terram nostram ex una parte et terram Petri dicti le Camus armigeri ex altera de qua pecia terre debetur nobis unus capo annui redditus et dominii capitalis item quamdam aliam peciam terre arabilis quam Johannes dictus Chevalier de Pormor et Amelina ejus uxor dederunt dictis religiosis in puram elemosinam cum omnibus aliis bonis suis mobilibus et immobilibus que pecia terre sita est inter terram Thome dicti l'Estormi ex una parte et terram canonicorum de Salicosa et terram Gudet ex altera nos predicti Guillermus armiger et Mabilia domini capitales predictarum peciarum terrarum tam intuitu pietatis et pro salute animarum nostrarum et antecessorum nostrorum quam pro decem solidis parisiensibus nobis a dictis religiosis traditis dictas veaditionem et donationem prefatis religiosis factas ratas habemus et gratas Volumus etiam et concedimus [] Et in horum omnium testimonium ad petitionem dictorum religiosorum sigilla nostra presenti carte dignum duximus apponenda Actum anno Domini MCC octogesimo tercio in die sanctorum martirum Dyonisii sociorumque ejus