Charter Document - 05030850
| Charter Number: | 05030850 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1283 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis frater Rogerius dictus abbas Vallium Sarnayi totusque ejusdem loci conventus salutem in Domino Noverit universitas vestra quod nos pensata utilitate nostra et monasterii nostri et deliberatione super hoc habita diligenti tradidimus et concessimus im perpetuum viris religiosis et discretis abbati et conventui Sancti Dyonisii in Francia Parisiensis dyocesis viginti quinque arpenta nemoris signati per certas metas prout heedem mete plenius demonstrant de quo nemore plena mentio continetur in quibusdam litteris super hoc confectis sigillis dictorum religiosorum Sancti Dyonisii sigillatis Quam traditionem et concessionem fecimus dictis religiosis tanquam dominis capitalibus centum arpentorum nemoris nobis in elemosinam collati a nobili viro domino Anselmo de Caprosia milite domino Medie Curie et Beatrice uxore ejusdem ob remedium animarum suarum et ex causis in litteris dictorum conferentium expressis ea de causa quod dicti religiosi domini capitales tocius dicti nemoris et a quibus dicti conferentes predicta nemora tenebant voluerunt et concesserunt quod nos predicti religiosi Vallium Sarnayi dicta nemora residua exceptis viginti quinque arpentis sibi a nobis collatis teneamus et possideamus im perpetuum in manu nostra et in usus nostros proprios vel causam habentium a nobis usque ad numerum septuaginta quinque arpentorum secundum metas quibus distincta sunt in longum et in latum et in circuitu secundum suas metas et limites absque ulla coactione vendendi alienandi distrahendi et extra manum nostram ponendi prout in litteris dictorum religiosorum Sancti Dyonisii super hoc confectis quas super nos habemus plenius inter cetera continetur Nos enim volumus et concedimus quod salva sit nichilominus in toto dicto nemore centum arpentorum omnimoda alta et bassa justicia dictis religiosis Sancti Dyonisii et successoribus eorumdem In cujus rei testimonium et munimen presentibus litteris sigillum nostrum duximus apponendum Datum anno Domini MCC octogesimo tercio mense junio