Charter Document - 05030848

Universis presentes litteras inspecturis officialis curie Guillermi ecclesie Parisiensis archidiaconi salutem in Domino Notum facimus quod Aalipdis relicta defuncti Balduyni de Burgo Novo compos mentis et in plena sanitate corporis ut prima facie apparebat dedit contulit et concessit in puram ac perpetuam elemosinam et ob remedium anime sue spontanea voluntate non coacta non vi non metu non dolo ad hoc inducta donatione facta inter vivos religiosis viris abbati et conventui Vallium Sarnaii omnia bona sua mobilia et immobilia acquisita et inantea acquirenda necnon et omnes conquestus suos acquisitos constante matrimonio inter ipsam et dictum Balduinum et specialiter omnia contenta in quadam littera sigillo predecessoris nostri sigillata in qua littera dicebatur et dicitur contineri quod dictus Balduinus voluit quod ille qui superviveret alteri usumfructum dictorum bonorum immobilium et mobilium per totam vitam suam perciperet et haberet pacifice et quiete aliqua contradictione non obstante Ita tamen quod dicta Aalipdis in premissis omnibus et singulis quamdiu vixerit habeat et percipiat usumfructum et decem libris insuper ab eadem retentis pro sua ultima voluntate facienda et suo ab eadem de dictis libris prout saluti anime sue viderit expedire faciendo promittens fide ab ea in manu nostra quod contra concessionem et donacionem predictas quoquo jure communi vel speciali per se vel per alium non veniet ullo jure In cujus rei testimonium ad petitionem dicte Aalipdis sigillum curie nostre duximus presentibus litteris apponendum Datum anno Domini MCC octogesimo tercio die jovis post Pascha J de Orfino