Charter Document - 05030845
| Charter Number: | 05030845 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1283 |
| Date type: | Internal, A.D. |
| Resource Link(s): |
|
Charter:
Universis tam presentibus quam futuris presentes litteras inspecturis Robertus dictus l'Uissier baillivus Gisorcii salutem in Domino Noverit universitas vestra quod Guillelmus de Bellomonte armiger et Mabilia ejus uxor recognoverunt se de communi assensu suo et voluntate Radulphi primogeniti sui presentis et in hoc consencientis confirmasse et concessisse et etiam coram nobis confirmaverunt et concesserunt religiosis viris abbati et conventui Vallium Sarnaii quinque acras terre arabilis sitas in parrochia de Hericuria [] Que omnia supradicta scilicet quinque acras et masuram cum nemore et redditus sive census et capones et campi partem Johannes dictus Chevalier de parrochia de Pormor laicus redditus seu donatus dictorum religiosorum emit seu titulo emptionis acquisivit a dicto Petro de Cauda d'Aez milite Voluerunt etiam et concesserunt [] Immo ipsi et eorum heredes tenentur omnia predicta et singula et omne aliud existens in dicta acquisitione seu emptione ad suum capitale dominium pertinencia garantizare et defendere contra omnes mortales pro quatuor libris parisiensibus et pro uno denario parisiensi annui redditus in festo sancti Remigii vel infra octabas ejusdem apud Tylliacum a dictis religiosis eisdem annuatim persolvendo quem sibi retinnerunt in recognitione dominii capitalis in rebus predictis In quorum omnium testimonium sigillum baillivie Gysorcii presentibus litteris ad petitionem dictorum Guillelmi Mabilie et Radulphi una cum sigillis suis duximus apponendum Datum anno Domini MCC octogesimo secundo mense martio