Charter Document - 05030844
| Charter Number: | 05030844 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1283 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego domicella Mabilia uxor Guillelmi de Bellomonte armigeri salutem in Domino Noverit universitas vestra quod cum Johannes dictus Chevalier de parrochia de Pormor laicus redditus seu donatus religiosorum virorum abbatis et conventus Vallium Sarnaii acquisierit ex causa seu titulo emptionis in parrochia de Hericuria in capitali dominio meo quasdam pecias terrarum et quosdam redditus sive census sitas vel sitos in locis subscriptis videlicet quinque acras terre arabilis inter le Frou de Cauda d'Aez ex una parte et chiminum de Andeliaco ex altera et quandam masuram cum quodam nemore circa duas acras per totum tam in masura quam in nemore inter chiminum quod ducit de Heubecuria ad forestam de Vernone ex una parte et nemus Thome et Gacii de Cauda d'Aez armigerorum ex altera et novem solidos parisienses annui redditus sitos super tres pecias terre arabilis continentes circa tres acras sitas inter le Frou de Cauda d'Aez ex una parte et chiminum de Andeliaco ex altera inter predictas pecias de quibus tribus acris una debet campi partem dictis religiosis ego dicta domicella Mabilia uxor dicti Guillelmi de assensu et voluntate ipsius Guillelmi mariti mei et Radulphi primogeniti mei presentium et in hoc expresse consentientium et auctoritatem prestantium intuitu pietatis et pro salute anime mee et antecessorum meorum et pro quatuor libris parisiensibus de quibus teneo me plenarie pro pagata dictas venditiones dictarum terrarum et dictorum reddituum vel censuum et etiam cujuslibet rei de illis venditionibus seu acquisitionibus in meo capitali dominio existentis ratas habeo et gratas volens et concedens [] In cujus rei testimonium ego prenominata Mabilia dictas venditiones dictis religiosis ex nunc confirmo per presentes litteras sigillo meo proprio sigillatas Et ego dictus Guillelmus de Bellomonte armiger maritus dicte Mabilie et ego dictus Radulfus filius et heres dictorum Guillelmi et Mabilie omnibus premissis consencientes et auctoritatem presantes in testimonium omnium premissorum sigilla nostra presentibus litteris apposuimus Actum anno Domini MCC octogesimo secundo mense marcio