Charter Document - 05030841
| Charter Number: | 05030841 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1283 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Viro venerabili et discreto dilectissimo domino suo domino decano sancti Martini Turonensis illustris regis Francorum cancellario Robertus dictus Hostiarius ballivus Gisorcii salutem et sue tocius possibilitatis obsequium cum reverencia debita et honore Noverit vestra veneranda discretio monachos Vallis Sarnayi mecum finasse de acquisitis factis in terra domini regis et domine regine Margarete que sequuntur Hec acquisierunt in terra domini regis titulo emptionis quamdam masuram cum duabus acris nemoris sexdecim acras terre arabilis et sexdecim solidos annui redditus de quibus duodecim solidos annuatim item duos capones redditus que emerunt a domino Petro de Cauda de Ez milite item dimidiam acram terre emptam a Johanne de Capella item dimidiam acram terre emptam a Richeude Pelliparia item sex acras et dimidiam terre emptas a Johanne de Bosco Geralmi unam acram et dimidiam emptam a Henrico Borel de Bosco Geralmi Hec sunt que tenent ex elemosinis sibi factis sex acras terre de dono Johannis dicti Chevalier item tres virgatas terre ex dono Roberti de Pormor item duas acras terre ex dono Johannis Anglici item unam acram terre ex dono Radulphi Touroude que omnia sita sunt in territorio de Tilliaco de Bosco Geralmi et de Cauda de Ez Hec sunt que tenent in terra domine regine titulo emptionis unum quarterium vinee in parrochia de Gamelli item quamdam plateam vacuam ubi fuit olim domus in eadem parrochia Hec tenent ex elemosinis in dicta parrochia ex dono Teophanie la Mugnoe duos solidos annui redditus super quamdam masuram item ex dono Radulphi de Malo Alneto duos solidos annui redditus super vineam suam de l'Erable item sex solidos annui redditus super masuram Richardi de Moncello item in parrochia beate Marie de Vernone ex dono Galeusis de Fontanis decem solidos annui redditus super ortum Richardi le Coc item de dono Radulphi Touroude quamdam domum que modo est platea vacua item de dono Radulphi Anglici et Nicholae ejus uxoris quatuor solidos annui redditus super domum Roberti Helloyn item in parrochia Sancti Marcelli in feodo au Havardois de dono Petri Lestine quamdam peciam vinee Et omnia hec que sita sunt in terra domine regine scio per certificationem litterarum ballivi domine regine et ea que sunt in terra domini regis per inquestam seu aprisiam super hoc diligenter factam Unde venerandam discretionem vestram requiro quod si vobis videbitur expedire eisdem monachis financie premissorum domini regis litteras concedatis Valeat in Domino vestra discretio liberalis Datum anno Domini MCC octogesimo secundo die mercuris post octabas Purificationis Summa financie emptorum in terra regis triginta novem libre quindecim solidi summa elemosinarum C solidi summa emptorum in terra domine regine quadraginta quinque solidi summa elemosinarum quatuor libre octo solidi