Charter Document - 05030834
| Charter Number: | 05030834 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1282 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis domicella Johanna de Galardone domina salutem in Domino Notum facimus universis quod nos concedimus approbamus ac etiam ratificamus ob remedium anime nostre et antecessorum nostrorum nec non patris et matris nostre venditionem concessionem et quitationem quas fecerunt Radulphus de Orphino et defuncti Gilebertus dictus le Ber et Michael ejusdem loci viris religiosis abbati et conventui Vallium Sarneii de quadam vinea sita apud Orphinum contigua ex una parte domui dictorum religiosorum et ex altera domui leprosorum de Orphino et de omnibus rebus acquisitis a dictis religiosis prout possidentur in longitudine et latitudine inter ecclesiam de Orphino et domum predictorum leprosorum in feodo nostro seu dominio teneant habeant et possideant in manu mortua sine coactione vendendi vel extra manum suam ponendi Volumus eciam et concedimus et auctoritate nostra confirmamus tanquam domina feodi quod dicti religiosi prout superius est expressum dictam vineam et dicta acquiramenta perpetuo teneant et possideant pacifice et quiete ex nunc in futurum Et quantum ad hec obligamus nos et heredes nostros et successores nostros relinquimus penitus obligatos In cujus rei testimonium presentibus litteris nostrum sigillum duximus apponendum Datum anno Domini MCC octogesimo secundo mense junio