Charter Document - 05030830
| Charter Number: | 05030830 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1282 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Gacius de Cauda d'Aez armiger salutem in Domino Noverit universitas vestra quod cum Johannes de Capella et Sibilla ejus uxor vendiderint et concesserint religiosis viris abbati et conventui Vallium Sarnaii unam peciam terre arabilis sitam in territorio de Cauda d'Aez juxta terram Petri de Tourni ex una parte et terram Richeudis relicte Johannis Selles ex altera pro quadraginta solidis turonensibus de qua pecia terre dicti Johannes et Sibilla ejus uxor michi reddere consueverant annuatim tres denarios annni redditus ego predictus Gacius armiger dominus capitalis dicte petie terre intuitu pietatis et pro salute anime mee et antecessorum meorum dictam venditionem dictis religiosis factam ratam habeo et gratam nec non et excambiationem a Richeude relicta Johannis Selles dictis religiosis factam de quadam pecia terre sita in eodem territorio inter terram predictam dictis religiosis venditam ex una parte et terram Johannis Bouvelot ex altera de qua pecia terre dicta Richeudis michi reddere consueverat annuatim tres denarios annui redditus de dominio capitali Volo etiam et concedo quod ipsi religiosi dictas duas pecias terre scilicet venditam et excambiatam habeant teneant et possideant sibi et successoribus suis in perpetuum in proprios usus suos et monasterii sui et in manu mortua libere quiete et pacifice absque ulla reclamatione mei vel heredum meorum de cetero facienda pro duodecim solidis parisiensibus quos dicti religiosi michi dederunt in peccunia numerata et de quibus teneo me pro pagato Et de dictis sex denariis censualibus michi et heredibus meis debitis dedi eisdem religiosis et eorum successoribus quatuor denarios ita quod de cetero non teneantur michi solvere vel heredibus meis nisi duos denarios annuatim in festo sancti Remigii vel infra octabas in recognitionem dominii capitalis Et in horum omnium testimonium et perpetuam firmitatem ego predictus Gacius sigillum venerabilis viri decani Vernonis ad majorem confirmationem presentibus litteris una cum sigillo meo pecii et procuravi apponi Datum anno Domini MCC octogesimo primo die sabbati post Letare Jerusalem