Charter Document - 05030829

A touz ceus qui ces présentes lestres verront Guillaume Bidant d'Atys escuier saluz Nous feson à savoir à touz que ge Guillaume é donné et otraié et quité de ma bonne volenté an pure aumoune à l'abé et au couvant des Vaus de Sarnei la preinte de demi quartier de vigne ou ilec autour qui est apelez ou leu de la Boisière Item il donne à l'abé et au couvent devant dit i denier de cens que cele vigne devet à celui Guillaume et toute la seigneurie que il avet an cele vigne devant dite C'est asavoir pour fere chascun an son anniversoire et pour estre és prières de léanz à tousjouz mes Et oblige lui et ses hers à ce tenir ferme et estable ce don devant dit Et an tesmoignage de ceste chose tenir et afermer je Guillaume le certefie an ceste lestre seelée de mon sael an l'an de grace MCC quatre vinz et un ou mois de marz la velle de la seint Gringoire