Charter Document - 05030826
| Charter Number: | 05030826 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1282 |
| Date type: | Internal, A.D. |
| Resource Link(s): |
|
Charter:
Omnibus hoc visuris soror Agnes humilis abbatissa monasterii Sancti Anthonii juxta Parisius Cisterciensis ordinis totusque ejusdem loci conventus salutem in Domino sempiternam Noverint universi quod nos tradidimus et concessimus religiosis viris abbati et conventui Vallium Sarnaii ejusdem ordinis Parisiensis dyocesis quamdam peciam terre arabilis quam habemus in territorio de Sancto Ferreolo usque ad duodecim annos continuos et ex nunc continue computandos ad annuam pensionem triginta solidorum parisiensium nobis reddendorum et solvendorum quolibet durante dicto termino scilicet ad festum beati Remigii viginti solidos parisienses quos ipsi habent et percipiunt super pedagio de Essona juxta Corbolium et decem solidos parisienses super celario eorumdem sito Parisius in vico Ferri subtus palacium de Terminis in festo predicto In cujus rei testimonium et memoriam sigillum nostrum presentibus litteris duximus apponendum Datum anno Domini millesimo CCLXXX primo mense januario