Charter Document - 05030823
| Charter Number: | 05030823 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1281 |
| Date type: | Internal, A.D. |
| Resource Link(s): |
|
Charter:
Noverint universi presentes et futuri quod ego Robertus Vaingnart de voluntate et assensu Ysabellis uxoris mee presentis et consencientis voluntarie non coacte necnon et heredum meorum dedi et concessi intuitu pietatis et pro salute anime mee et antecessorum meorum in puram liberam et perpetuam elemosinam religiosis viris abbati et conventui Vallium Sarnaii tres solidos parisienses annui redditus sitos et assignatos super domum Petri Hulequin et super totam masuram sitam in Gamilleio inter masuram Stephani Prepositi ex una parte et masuram Johannis le Chaucheis ex altera percipiendos et habendos annuatim in festo Omnium Sanctorum per illos qui dictam masuram tenuerint libere quiete et pacifice sine ulla reclamatione mei vel heredum meorum vel dicte uxoris mee vel heredum suorum im perpetuum facienda Et ego dictus Robertus et heredes mei uxor mea et heredes uxoris mee predictos tres solidos parisienses prefatis religiosis im perpetuum garantizare tenebimur contra omnes mortales In cujus rei testimonium sigillum meum presentibus litteris apposui una cum sigillo dicte uxoris mee et una cum sigillo venerabilis viri decani Vernonis ad majorem confirmationem presentibus litteris apposito Datum anno Domini MCC octogesimo primo mense julio