Charter Document - 05030822
| Charter Number: | 05030822 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1281 |
| Date type: | Internal, A.D., Feast |
| Resource Link(s): |
|
Charter:
Omnibus hec visuris Guiardus dictus Haroel salutem in Domino Notum facio quod cum Richardus de Landa de assensu et voluntate Ameline uxoris sue et omnium heredum suorum vendidisset et concessisset Roberto de Pormor et heredibus suis tres virgatas terre arabilis sitas in parrochia de Heubecuria inter chiminum quod ducit de Ganeio ad Andeliacum ex una parte et terram Guillermi Postel ex altera pro sexaginta solidis parisiensibus de quibus tribus virgatis terre dicti Richardus et Amelina ejus uxor homines mei residentes et tenentes mei michi reddere consueverant quinque denarios capitalis census in festo sancti Remigii et dictus Robertus de Pormor se et sua et specialiter tres predictas virgatas terre contulerit viris religiosis abbati et conventui de Sarnaio ego predictus Guiardus dominus capitalis dictorum hominum et dicte terre predictam collationem dicte terre dictis religiosis a dicto Roberto factam ratam habeo et gratam propter undecim solidos parisienses quos propter hoc a dictis religiosis pre manibus recepi et de quibus teneo me pro pagato Volo etiam et concedo quod ipsi religiosi et eorum successores dictam terram teneant in perpetuum in proprios usus suos et in manu mortua absque ulla reclamatione mei vel heredum meorum in posterum facienda Ego vero prefatus Guiardus et heredes mei dictam terram prefatis religiosis et eorum successoribus tenemur garantizare [] In quorum omnium testimonium ego predictus Guiardus ad petitionem dictorum religiosorum et venditorum sigillum meum una cum sigillo venerabilis viri decani de Vernone presenti carte dignum duxi apponendum Actum anno Domini millesimo ducentesimo octogesimo primo die sabbati ante Ascensionem Domini