Charter Document - 05030820
| Charter Number: | 05030820 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1280 |
| Date type: | Internal, A.D. |
| Resource Link(s): |
|
Charter:
R[anulfus] Dei gratia Parisiensis episcopus omnibus presentes litteras inspecturis salutem in Domino Notum facimus quod Hemardus de la Marche armiger et domina Maria uxor ejus domina de Limoiis relicta quondam nobilis viri domini Johannis de Geri militis dederunt et concesserunt in perpetuam elemosinam fratribus et ecclesie Vallium Sarnaii quatuordecim arpenta terre vel eo circa sita in valle juxta Pescosam tenentia ex una parte chemino vallis de Lymoiis tendenti et ascendenti de dicta valle de Lymoiis ad Pescosam et ex alia parte terris dictorum fratrum quas habuerunt ex dono Gauterii de Lymoiis dicti Rochart et a parte inferiori tenentia rivulo de Vernoelle qui rivulus fluit et decurrit per terram Heloyni de Balisy scutiferi Et etiam dederunt predictis fratribus quinque denarios censuales super prata dictorum fratrum videlicet quatuor denarios super quandam peciam prati siti in valle de Lymoiis et unum denarium super unum quarterium prati quod fuit Johannis Bourguinete tenentis prato dictorum fratrum et prato sancti Lazari de Lymoiis Nos autem ad preces dictorum Hemardi et domine Marie uxoris ejus presentes litteras predictis fratribus sigillo nostro dedimus sigillatas Actum anno Domini millesimo CCLXXX mense decembri decembri decembri