Charter Document - 05030816
| Charter Number: | 05030816 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Internal, A.D., Feast |
| Resource Link(s): |
|
Charter:
Universis tam presentibus quam futuris presentes litteras visuris Johannes de Bosco Girelmi miles salutem in [Domino Noverit] universitas vestra quod Henricus Johannis Ysabellis ejus uxor Johannes dictus Borel et Maria ejus uxor homines mei residentes et tenentes mei recognoverunt se de communi assensu suo et voluntate omnium heredum suorum vendidisse concessisse et hac presenti carta confirmasse religiosis viris abbati et conventui Vallium Sarnaii unam acram et dimidiam terre arabilis sitam in territorio de Bosco Girelmi juxta terram monachorum de Sarnaio et juxta terram Guillelmi Rabonel et juxta terram Henrici de Porta pro sexaginta solidis parisiensibus et in perpetuum jure hereditario possidendam predictam acram terre et dimidiam dictis religiosis et eorum successoribus libere quiete et pacifice absque aliqua eorumdem vel heredum suorum reclamatione de cetero facienda Promiserunt quoque [] Quod si predicti religiosi occasione venditionis et concessionis istius vel pro defectu garantie dictorum venditorum aliqua dampna seu deperdita incurrerint ipsi venditores obligaverunt eis in contraplegium duas pecias terre arabilis quarum una sita est in territorio quod vocatur le Buisson Gerout inter terram Humberti de Sancto Sulpitio ex una parte et terram dicti Henrici Johannis ex altera et altera sita est inter terram Guilloti Porcel ex una parte et chiminum domini regis ex altera [] In cujus rei testimonium ad petitionem dictorum religiosorum et venditorum una cum sigillis eorumdem venditorum sigillum meum presentibus duxi apponendum Actum anno Domini MCC octogesimo die sabbati post Nativitatem beate Marie Virginis