Charter Document - 05030815
| Charter Number: | 05030815 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1280 |
| Date type: | Internal, A.D., Feast |
| Resource Link(s): |
|
Charter:
Universis tam presentibus quam futuris presentes litteras inspecturis Petrus de Portu tunc temporis prepositus Vernonensis salutem in Domino Noverit universitas vestra quod cum Radulphus dictus Toroude faber pre ceteris religiosis summam habeat et a multo tempore habuerit ut asseruit coram nobis affectionem et devotionem erga monasterium Vallium Sarnaii et erga religiosos ibidem Deo servientes et servituros tam ratione dilecti filii sui Jacobi qui ibidem suscepit habitum monachalem quam ex multis aliis causis dictus Radulphus habita super hoc diligenti deliberatione de assensu et voluntate Aelicie uxoris sue dedit contulit et concessit Deo et dicto monasterio ac religiosis ibidem Deo servientibus et servituris in puram liberam et perpetuam elemosinam unam acram terre arabilis sicut se proportat in longum et in latum sitam in parrochia de Tylliaco inter terram religiosorum virorum abbatis et conventus de Sarnaio ex una parte et terram Johannis Benedicti de Tylliaco ex altera quam acram terre Ysabellis relicta Petri le Charon de parrochia de Hericuria dicto Radulpho vendidit in viduitate sua constituta Preterea dictus Radulphus similiter dedit et concessit eisdem religiosis quatuor solidos parisienses et unum caponem annui redditus quos Johannes dictus Sailenbien eidem vendidit super dictam acram terre percipiendos annuatim in festo sancti Remigii tenendam et in perpetuum jure hereditario possidendam predictam acram terre cum dictis quatuor solidis parisiensibus et uno capone annui redditus prefatis religiosis et eorum successoribus libere quiete et pacifice absque aliqua dictorum Radulphi et Aelicie ejus uxoris vel hereduni suorum reclamatione de cetero facienda Promiserunt etiam prefati Radulphus et Aelicia ejus uxor [] Et ut hoc firmum et stabile permaneat et duret in posterum sigillum prepositure Vernonensis ad petitionem dictorum Radulphi et Aelicie ejus uxoris huic presenti carte dignum duximus apponendum Actum anno Domini millesimo ducentesimo octogesimo die martis ante Decollationem sancti Johannis Baptiste