Charter Document - 05030812
| Charter Number: | 05030812 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1280 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis nos Anselmus de Caprosia miles dominus Medie Curie et Beatrix uxor dicti Anselmi salutem in Domino Notum facimus quod unanimi assensu damus et concedimus ex nunc in perpetuum in puram et perpetuam elemosinam et ob animarum nostrarum et antecessorum nostrorum remedium pure et simpliciter sine spe revocandi sani corpore et incolumes ac etiam inter vivos religiosis viris abbati et conventui Vallium Sarnayi centum arpenta nemoris cum proprietate fundi prout dictum nemus se comportat in longitudine et latitudine situm in sepe seu haia de Eveta super Valles Sarnayi contiguum ex uno latere nemoribus nobilis viri domini Guidonis Mirapicis et ex altero latere nostris nemoribus et ex altero nemoribus dictorum religiosorum necnon et ex altero nemoribus Johannis de Mairoles armigeri Que centum arpenta nemoris nos tenebamus et possidebamus conjuges insimul ex empto quod feceramus nos Anselmus a Petro de Chaudon armigero pro certo precio antequam matrimonialiter conjugati fuissemus nos et dicta Beatrix quod nemus tenebat a nobis Anselmo in feodum idem Petrus et quod feodum nos tenebamus a nobili viro domino Caprosie Volumus et concedimus [] In cujus rei testimonium et munimen presentes litteras sigillorum nostrorum munimine duximus roborandas Datum anno Domini millesimo ducentesimo octogesimo mense junio mense junio