Charter Document - 05030788
| Charter Number: | 05030788 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1277 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Symon de Caprosia armiger salutem in Domino Notum facimus universis quod cum Johannes lathomus dictus de Familia viris religiosis abbati et conventui Vallium Sarnaii in perpetuam elemosinam contulisset unum arpentum prati prope villam de Garnes ad duos denarios et obolum censuales in festo beati Andree apostoli annuatim persolvendos amore Dei et ob remedium animarum nostrarum dictum arpentum amortizamus dictis religiosis de assensu et voluntate Ysabellis uxoris nostre et voluimus et concedimus ut dicti religiosi in manu mortua arpentum teneant supradictum In cujus rei testimonium presentes litteras sub sigillo nostro dictis religiosis tradidimus sigillatas Datum anno Domini MCCLXXVII die mercurii ante festum beati Marci evangeliste