Charter Document - 05030784
| Charter Number: | 05030784 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Parisiensis salutem in Domino Notum facimus quod dominus Petrus presbiter de Plesseio juxta Bruerias recognovit se emisse a religiosis viris abbate et conventu Vallium Sarnay pro centum solidis parisiensibus quamdam petiam vinee unum arpentum vel circiter continentem ad ipsos religiosos et eorum monasterium spectantem sitam apud Bruerias in chenterio de Becheau Fontene contiguam vinee Agnetis la Goesche ex una parte et Gobino de Doleinvilla ex altera in censiva domini Brueriarum in duodecim denariis capitalis census tantummodo oneratam tenendam et possidendam ab eodem presbitero quamdiu vixerit solummodo ita quod post decessum ipsius presbiteri dicta pecia vinee quitte et libere redire debet pacifice ad jus et proprietatem ipsorum religiosorum et monasterii eorumdem quos siquidem centum solidos parisienses tenetur idem presbiter et promisit fide data se redditurum ipsis religiosis vel eorum mandato in hunc modum videlicet quinquaginta solidos parisienses ad instans festum Omnium Sanctorum et alios quinquaginta solidos parisienses residuos ad aliud festum Omnium Sanctorum tunc proximo sequens necnon et quod ipsam peciam vinee non vendet distrahet vel alienabit seu extra manum suam ponet ita etiam quod ipsi religiosi post decessum ipsius presbiteri tenentur suum anniversarium annuatim propter hoc celebrare Datum anno Domini MCCLXX sexto die veneris ante festum beati Nicholai hiemalis Jor[danus]