Charter Document - 05030779
| Charter Number: | 05030779 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1276 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis curie Parisiensis salutem in Domino Notum facimus quod Egidius de Joyaco filius quondam defuncti Radulphi Guinelli recognovit et confessus fuit se ob remedium anime sue in puram et perpetuam elemosinam ex nunc dedisse concessisse et im perpetuum quitavisse monasterio beate Marie Vallium Sarnay et religiosis ibidem Deo deservientibus quamdam domum cum toto porprisio et omnibus ejus pertineneiis quam se dicebat possidere et habere in villa de Joyaco prope monasterium ejusdem loci contiguam ex una parte domui Jordani que fuit defuncti Johannis le Vanier in censiva et dominio domini de Malliaco ad quatuor denarios et obolum censuales item et quinque arpenta ac dimidium terrarum arabilium quas se habere dicebat in duabus peciis quarum una pecia tria arpenta continens sita est in territorio dicto Vallis Boien contigua ex una parte terre magistri Juliani et ex altera terre defuncti domini Bartholomei de Villa Raaudi militis in censiva magistri Juliani phisici ad decem et octo denarios parisienses censuales item et altera pecia duo arpenta et dimidium continens sita est in territorio de Stamgno contigua ex una parte terre Ysabellis la Noblerce et ex altera terre Hugonis Mercatoris in dicta censiva magistri Juliani ad quindecim denarios censuales ut dicebat Cedens ex nunc et transferens in dictos religiosos et eorum monasterium predictum omne jus dominium proprietatem possessionem et actionem que dicto Egidio competunt aut competere possunt vel debent quacunque ratione in dictis domo seu porprisio et terris ut dictum est [] In premissorum testimonium ad requisitionem dicti Egidii sigillum curie Parisiensis presentibus litteris apponentes Datum anno Domini millesimo ducentesimo septuagesimo sexto die dominica post festum beati Petri ad Vincula J de Sancto Portu