Charter Document - 05030777
| Charter Number: | 05030777 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1276 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Reginaldus de Gazerano armiger et Aalesis ejus uxor salutem in Domino Noveritis quod ego tanquam primus dominus feodi et Aalesis uxor mea spontanea non coacta non vi nec dolo ad hoc inducta ratam et gratam habemus donationem concessionem quam fecerunt religiosis viris abbati et conventui Vallium Sarnaii Almaricus de Mandrosia miles et Edelina ejus uxor de decem arpentis nemoris cum fundo terre eoruradem sitis in territorio de Gazeran in Haia de Batuncel contiguis nemoribus de Vicinis ex una parte et vie que ducit ad Galardonem ex altera item contiguis nemori Johannis le Fauconnier moventibus in primo loco de feodo nostro volentes et concedentes quod prefati religiosi jam dicta decem arpenta nemoris cum fundo terre eisdem a predictis Almarico milite et Odelina ejus uxore data et concessa teneant in manu mortua et possideant in futurum pacifice et quiete sine exactione qualibet vel onere et sine coactione vendendi et extra manum suam ponendi Promittentes [] In cujus rei testimonium et munimen presentes litteras dedimus dictis religiosis sigillorum nostrorum munimine roboratas Datum anno Domini millesimo ducentesimo septuagesimo sexto mense aprili