Charter Document - 05030776
| Charter Number: | 05030776 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1276 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Petrus Drais de Chadon armiger et domicella Aalipdis ejus uxor asseruerunt quod ipsi habebant tenebant et possidebant ex hereditate dicti Petri sexaginta arpenta nemorum cum fondo terre sita in foresta Sancti Dyonisii in loco qui dicitur la Boue de quatuor quarteriis contigua nemoribus domini Hervei de Caprosia ex una parte et ex altera nemoribus Guidonis militis dicti Marescalli moventia de feodo domini Anselli de Caprosia domini de Media Curia militis ut dicebant Que siquidem sexaginta arpenta nemorum cum fondo terre eorumdem recognoverunt et confessi sunt se vendidisse et nomine pure venditionis im perpetuum quittavisse ac eciam concessisse predicto domino Ansello de Caprosia domino de Media Curia militi et ejus heredibus pro quinquaginta libris turonensibus [] In cujus rei testimonium ad peticionem et ad instanciam dictorum venditorum sigillum curie Parisiensis presentibus litteris duximus apponendum Datum anno Domini millesimo CC septuagesimo quinto mense martio