Charter Document - 05030775
| Charter Number: | 05030775 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Robertus comes Drocarum et Montisfortis et Beatrix uxor ejus salutem in Domino Notum facimus universis tam presentibus quam futuris quod nos divini amoris intuitu pro salute animarum nostrarum et ob remedium animarum antecessorum nostrorum dilectis ac specialibus nostris in Christo abbati et conventui beate Marie de Vallibus Sarnaii domos terras prata nemora libertates consuetudines et omnes alias possessiones suas quascumque ab ipsis titulo donationis seu emptionis vel alio quocumque modo rationabiliter acquisitas in feodo dominio vel censiva nostra et quas usque nunc possederunt concedimus et auctoritate nostra confirmamus in manu mortua tanquam puram elemosinam in perpetuum pacifice possidendas salvo jure in omnibus alieno et ad majorem firmitatem heredes seu etiam successores nostros super hoc relinquimus obligatos Quod ut ratum et stabile permaneat in futurum presentibus litteris sigilla nostra duximus apponenda Actum apud Valles Sarnaii anno Domini millesimo CC septuagesimo quinto mense novembri