Charter Document - 05030769
| Charter Number: | 05030769 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1275 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Noverint universi presentes et futuri quod ego Petrus Dehors et ego Dyonisia dicta Dehors ejus uxor de communi assensu nostro et voluntate heredum nostrorum pro salute animarum nostrarum et antecessorum nostrorum dedimus et concessimus in puram et porpetuam elemosinam religiosis viris abbati et conventui Vallium Sarnaii pro participatione orationum habenda que fient in perpetuum in abbatia predicta quandam corveiam unius vindemiatoris quam habebamus et possidebamus annuatim in tempore vindemiarum sitam super quandam masuram sicuti se proportat in longum et in latum sitam in vico de Gloriete inter domum magistri Johannis de Meulent ex una parte et domum heredum domini Odonis de Chauvincourt ex altera tenendam et im perpetuum possidendam et habendam predictam corveiam annui redditus predictis religiosis et eorum successoribus libere quiete et pacifice absque aliqua nostri vel heredum nostrorum reclamatione de cetero facienda Nos vero predicti Petrus et Dyonisia et heredes nostri tenemur predictam corveiam annui redditus predictis religiosis et eorum successoribus contra omnes gentes garantizare defendere et deliberare Et ut hoc firmum et stabile permaneat et duret im posterum presentem cartam sigillorum nostrorum munimine confirmavimus Actum anno Domini MCCLXX quinto die dominica post Nativitatem beati Johannis Baptiste