Charter Document - 05030768
| Charter Number: | 05030768 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Noverint universi presentes et futuri quod ego Johannes de Villaribus armiger de assensu et plurium amicorum meorum et Ysabellis de Launoi uxoris mee et heredum meorum pro salute anime mee et antecessorum meorum dedi contuli et concessi in puram et perpetuam elemosinam religiosis viris abbati et conventui Vallium Sarnaii pro participatione orationum habenda que fient im perpetuum in abbatia predicta duodecim denarios parisienses et unam corveiam annui redditus et capitalis dominii quos debebantur michi et heredibus meis annuatim et quos habebam sitos super quamdam masuram et super curtilagium dicte masure adjacentem sicuti se proportat in longum et in latum sitam in vico de Gloriete inter domum heredum domini Odonis de Chauvincourt defuncti ex una parte et domum magistri Johannis de Meulent ex altera retento tamen michi et heredibus meis uno obolo monete parisiensis annui redditus sito super predictam masuram michi et heredibus meis a dictis religiosis et eorum successoribus ad festum Omnium Sanctorum in domo dictorum religiosorum annuatim persolvendo tenendos et im perpetuum possidendos et habendos dictos duodecim denarios cum dicta corveia annui redditus et capitalis dominii predictis religiosis et eorum successoribus libere quiete et pacifice absque aliqua mei vel heredum meorum reclamatione de cetero facienda Preterea ratifficavi et confirmavi venditionem cujusdam masure et curtilagii que sita est in vico de Gloriete inter domum heredum domini Odonis de Chauvincort defuncti ex una parte et domum magistri Johannis de Meulent ex altera quam Robertus Teroude vendidit dictis religiosis quarum rerum predictarum capitale dominium ad me et heredes meos spectabat et cujus masure predicte Aelina mater dicti Roberti tertiam partem dictis religiosis contulit in elemosinam Et dictas res venditas et donatas que superius sunt expresse dictis religiosis mortificavi im perpetuum pro quatuor libris et quinque solidis parisiensibus [] Et ego dictus Johannes et ego predicta Ysabellis obligavimus in contraplegium dictis religiosis et eorum successoribus quandam peciam vinee que dicitur Vinea Camin sicut se proportat in longum et in latum sitam apud Longuam Villam ad omnia dampna et deperdita sua valore ad valorem restauranda In quorum omnium robur et testimonium ego dictus Johannes sigillum meum huic presenti carte apposui una cum sigillo dicte Ysabellis uxoris mee salvo in omnibus jure alieno Actum anno Domini MCCLXX quinto die lune proxima post Pentecosten Testibus hiis Roberto scriptore Petro Dehors Roberto l'Espicier Galtero de Vernoniel clerico Roberto le Chastelain de Sancto Marcello Roberto Teroude et pluribus aliis