Charter Document - 05030752
| Charter Number: | 05030752 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1273 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Johanna divina permissione Fontis Ebraudi humilis abbatissa salutem in Domino Noverint universi quod nos cum assensu et voluntate sororis Margarete priorisse et fratris Johannis prioris Fontis Ebraudi ad petitionem et instantiam priorisse et prioris domus nostre de Alta Brueria volumus et concedimus considerata utilitate dicte domus de Alta Brueria quod religiosi viri abbas et conventus Vallium Sarnaii habeant et possideant in excambium et nomine permutationis in perpetuum quoddam arpentum terre arabilis situm juxta culturam dictorum religiosorum prope Crucem et quoddam residuum cujusdam pecie terre site juxta terram eorumdem religiosorum prope Pontem Carnotensem et quoddam pratum situm juxta muros granchie eorumdem religiosorum de Aite retro porcherias que omnia et singula nos pro priorissa et priore ac conventu domus nostre de Alta Brueria habebamus et possidebamus pro quadam pecia terre arabilis continenti arpentum et dimidium vel circa que pecia terre vocatur la Poente deversus Coldreium situm juxta terram dicte domus de Alta Brueria et pro quodam prato sito juxta dictam peciam terre quod pratum vocatur la Gravelle que omnia et singula iidem abbas et conventus habebant et possidebant omne jus dominium ac possessionem et proprietatem quod habemus in dicta terra et prato ex nunc in perpetuum in dictos abbatem et conventum Vallium Sarnaii et eorum monasterium penitus transferendo Et promittimus [] In premissorum vero testimonium sigillum nostrum presentibus literis duximus apponendam Datum anno gratie millesimo ducentesimo septuagesimo tercio mense junio