Charter Document - 05030747
| Charter Number: | 05030747 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1273 |
| Date type: | Internal, A.D., Feast |
| Resource Link(s): |
|
Charter:
Noverint universi presentes et futuri quod ego Marcus dictus Clemens et ego Heudeardis ejus uxor de communi assensu nostro et voluntate vendidimus et concessimus religiosis viris abbati et conventui Vallium Sarneii et eorum successoribus quamdam domum sitam in parrochia beate Marie Vernonis in feodo Guillelmi de Vernone inter domum que fuit Guillelmi Sirart ex una parte et domum heredum domini Odonis de Chavincuria ex altera pro centum solidis parisiensibus [] Et ne predicti religiosi vel eorum successores occasione predicte venditionis seu concessionis vel pro defectu garantie nostri vel heredum nostrorum aliqua dampna seu deperdita incurrerint ego prefatus Marcus obligavi eisdem in contraplegium totum porprisium meum cum vinea sita retro dictum porprisium sicuti se proportat in latum et in longum situm inter domum et masuram Michaelis de Trellio ex una parte et masuram Huberti de Moncello ex altera ad omnia dampna et deperdita sua valore ad valorem restauranda Et ut hoc firmum et stabile permaneat et duret im posterum presentem cartam sigillorum nostrorum munimine roboravimus Actum anno Domini MCCLXX secundo die sabbati [post Letare] Jerusalem Testibus hiis Nicholao scriptore Johanne Lohier Johanne Havart Petro dicto Musart Johanne de la Muete Petro de Croismara seniore et pluribus aliis