Charter Document - 05030745
| Charter Number: | 05030745 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1273 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Johannes de Plesseyo filius quondam defuncti Raginaldi de Plesseyo filii quondam defuncti Andree de Plesseyo asseruit quod ipse ex successione dicti defuncti Raginaldi habebat et percipiebat annis singulis in granchia seu domo religiosorum virorum abbatis et conventus Vallium Sarnaii que wlgaliter nuncupatur Boullonnel sexdecim sextaria annui redditus videlicet undecim sextaria bladi et quinque sextaria ordei absque aliquo onere vel obligacione qualibet que siquidem sexdecim sextaria annui redditus dicti bladi idem Johannes recognovit et confessus est se cum omni jure et accione que sibi ex causa predicta et alia quacumque de causa competebat et competere poterat vendidisse et ex nunc im perpetuum nomine venditionis concessisse et quitasse predictis religiosis et eorum monasterio pro quinquaginta quinque libris parisiensibus [] Datum anno Domini millesimo ducentesimo septuagesimo secundo die mercurii post Brandones