Charter Document - 05030739
| Charter Number: | 05030739 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1272 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego Johannes de Dynisiaco miles eternam in Domino salutem Noverint universi quod ego venditionem quam fecit Johannes de Pomereto armiger religiosis viris abbati et conventui de Vallibus Sarnaii de quinquaginta duobus arpentis nemoris et tribus quarteriis et tertio de uno quarterio sitis in loco qui appellatur Follosium de feodo meo in primo loco moventibus volo laudo approbo et concedo Volo insuper et concedo quod dicti religiosi dictum nemus de voluntate et assensu Yssabellis uxoris mee karissime teneant et in perpetuum possideant quantum ad me pertinet et heredes ac successores meos in manu mortua absque coactione aliqua vendendi vel extra manum suam ponendi libere pacifice et quiete retento tamen penes me et salvo usuario meo venandi ad magnas bestias et salva justicia mea in nemore supradicto Promittens [] In cujus rei memoriam et testimonium de voluntate et assensu predicte Ysabellis quia sigillum proprium non habebat presentes litteras sigillo meo proprio roboravi Datum anno Domini MCCLXX secundo mense octobri