Charter Document - 05030732
| Charter Number: | 05030732 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1272 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod domina Maria relicta defuncti Ade de Buciaco quondam armigeri asseruit quod defunctus Guillelmus Auburgis quondam burgensis de Athiis super Urgiam in testamento suo seu ultima voluntate sua in perpetuam elemosinam dederat et legaverat religiosis viris abbati et conventui Vallium Sarneii et eorum monasterio quamdam peciam terre arabilis duo arpenta continentem sitam apud dictam villam de Athiis in campo de Martino contiguam a parte superiori terre dictorum religiosorum in censiva ipsius domine moventem ex propria hereditate sua ut dicebat et in octo denariis parisiensibus capitalis census tantummodo oneratam sibi debitis annuatim Asseruit etiam ipsa domina Maria quod cum ipsa domina Maria ipsos religiosos compelleret et cogeret ad ponendum dictam peciam terre extra manum suam recognovit et confessa est ipsa Maria se cum dictis religiosis taliter convenisse videlicet quod ipsa ex causa et titulo presentis contractus voluit et expresse consensit quod predicti religiosi et eorum successores et monasterium eorumdem predictam peciam terre salvo et retento sibi tantummodo dicto censu capitali in manu mortua absque coactione ponendi eam extra manum suam ex parte ipsius domine vel heredum ejus de cetero facienda teneant habeant et ex nunc possideant in futurum Promittens [] Datum anno Domini millesimo CCLXX [secundo die lune] post Jubilate