Charter Document - 05030731
| Charter Number: | 05030731 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1272 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie archidiaconi Pissiacensis in Pissiacensi salutem in Domino Noveritis quod Petrus presbiter et persona ecclesie de Gresseio quondam filius et heres defuncti Johannis quondam magistri carnificum Carnotensium ex devocione quam habebat ut dicebat erga religiosos viros abbatem et conventum Vallium Sarneii confessus fuit se contulisse et concessisse et adhuc contulit et concessit coram nobis ob remedium anime sue et parentum suorum in puram et perpetuam elemosinam donatione facta solempniter inter vivos sine spe revocandi dictis religiosis et eorum monasterio novem sextaria videlicet quinque bladi et quatuor avene annui redditus ex nunc et in perpetuum percipienda et habenda a dictis religiosis pacifice et quiete que quidem novem sextaria bladi et avene habebat et percipiebat annuatim in granchia Jacobi dicti Monachi armigeri sita apud Bolleium Terrici moventia ex hereditate et aqui ramento dicti Petri ut dicebat et promisit [] In cujus rei testimonium memoriam et munimen presentes litteras dedimus dictis religiosis ad petitionem dicti Petri sigilli nostri munimine roboratas Datum anno Domini millesimo CC septuagesimo primo mense marcio