Charter Document - 05030730
| Charter Number: | 05030730 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1272 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis J[ohannes] de Granchia subdecanus Carnotensis salutem in Domino Noveritis quod cum nos anno Domini MCC sexagesimo sexto emissemus ab executoribus bone memorie M[athei] de Gallanda avunculi nostri quondam archidiaconi Dunensis in ecclesia Carnotensi quamdam domum sitam in claustro Carnotensi pro quingentis libris turonensibus pars cujus domus videlicet major aula et camera contigua eidem aule a parte posteriori cum logis anterioribus et curia de medio est de censiva religiosorum virorum abbatis et conventus Vallium Sarneii et nos pro vendis dicte domus ipsos religiosos contingentibus teneremur eisdem religiosis in viginti septem libris et quindecim solidis turonensibus et sex denariis nos de dictis viginti septem libris dictis religiosis satisfecimus in pecunia numerata In cujus rei testimonium et memoriam sigillum curie nostre presentibus litteris duximus apponendum Datum anno Domini MCC septuagesimo primo die sabbati post Purificationem beate Marie Virginis