Charter Document - 05030729
Charter Number: | 05030729 |
---|---|
Cartulary Title: | Cartulaire de l'Abbaye de Notre-Dame des Vaux de Cernay |
Charter Language: | French |
Charter Origin: | Religious |
Charter Type(s): | Sale |
Date: | 1271 |
Date type: | Internal, A.D., Feast |
Resource Link(s): |
Cartulaires d'Île-de-France |
Charter:
Ge Gauter Noel peleter borgeis de la Rochele fois assavoir à toz ceaus qui ceste présente chartre verront et orront que ge ob l'otrei et ob l'assentement de Henri Noel mon frère ai doné et otroié et done encores et otrei par dreite donation faite entre les vifs et sanz rapeler à Robert Teroude mon neveu et en rescompensacion des granz services que il m'a fait en plusors manières dont ge me tient à bien paiez une place ob ses apartenances que l'om appelet masure que ge aveie en la ville de Vernon en la rue de Gloriete qui se tient d'une part à la maison à mondit nevou et d'autre part aus maisons qui furent mon sire Nychole jadis chanoine de Notre Dame de Vernon et duret ladite masure de lonc de ladite rue qui est par devant jusqu'au mur aus moynes de Sarnay qui est par darrère [] E en garentie de ceste chose ge Gauter Noel et ge Henri Noel dessus nomé en avons doné audit Robert Teroude et à ses heirs ceste présente chartre laquau sire Gillebert Vender adonques maires de la Rochele saiela et conferma aus requestes dau saiau de la mairie de la Rochele e nos meismes i avons apposé les noz propres saiaus en maire garentie de vérité Cest fut fait l 'an de l'Incarnation Jésu Christ MCC et sexante et onze ou mois de novembre