Charter Document - 05030727
| Charter Number: | 05030727 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1271 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Petrus dictus Bourdot et Juliana ejus uxor recognoverunt se vendidisse et nomine vendicionis in perpetuum quitavisse abbati et conventui de Vallibus Sarnaii pro quadraginta solidis parisiensibus [] dimidium arpentum terre arabilis situm ad viam de Noisiaco contiguum ex una parte domino Roberto dicto Galen militi et ex alia parte liberis defuncti Johannis Paalee oneratum in obolo capitalis census debiti predictis abbati et conventui de Vallibus Sarnaii in festo beati Remigii quod si quidem dimidium arpentum terre dicti venditores promiserunt fide data in manu nostra se garentizaturum et liberaturum dictis religiosis ad usus et consuetudines Francie contra omnes suis propriis sumptibus et expensis Datum anno Domini MCC septuagesimo primo die sabbati ante festum beati Climentis Th de Belvaco