Charter Document - 05030725
| Charter Number: | 05030725 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1271 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis archidiaconi Carnotensis in decanatu Rupisfortis salutem in Domino Noveritis quod Guillelmus de Tyvervalle miles asseruit et confessus fuit se dedisse et concessisse ob remedium anime sue Eustachie et Jobanne uxorum suarum necnon et liberorum suorum in puram et perpetuam elemosinam religiosis viris abbati et conventui Vallium Sarnaii duos sextarios bladi annui redditus habendos et percipiendos super hereditatem suam de Alneto volens et concedens quod dicti religiosi habeant et percipiant ex nunc in perpetuum dictos duos sextarios bladi infra festum Omnium Sanctorum quolibet in sua granchia de Alneto per manus heredum suorum seu illorum qui dictam bereditatem possidebunt excolent et tenebunt promittens [] In cujus rei memoriam et testimonium predictis religiosis ad petitionem dicti militis presentes litteras sigilli nostri karactere dedimus communitas Datum anno Domini MCCLXX primo mense junii