Charter Document - 05030721
| Charter Number: | 05030721 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie archidiaconi Pissiacensis in ecclesia Carnotensi salutem in Domino Noveritis quod Galterus dictus Chauvin et Maria ejus uxor asseruerunt se habere ac eciam percipere annui redditus in festo beati Remigii annis singulis per manum abbatis et conventus beate Marie Vallium Sarneii tres solidos parisienses sitos super triginta arpenta terre dictorum abbatis et conventus in territorio de Esbisoriis quos tres solidos parisienses dicti Galterus et Maria ejus uxor recognoverunt coram nobis et confessi sunt se dedisse et nomine donationis in puram ac perpetuam helemosinam concessisse predictis abbati et conventui ob remedium animarum suarum et Marie condam uxoris dicti Galteri pro anniversario suo annuatim faciendo in dicta abbatia tenendos habendos a dictis abbate et conventu sine contradictione aliqua libere et quiete promittentes [] Datum anno Domini millesimo ducentesimo LXX primo die jovis ante Ascensionem Domini