Charter Document - 05030713
| Charter Number: | 05030713 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Parisiensis salutem in Domino Notum facimus quod Radulphus de Masceriis clericus Sagiensis dyocesis asseruit et recognovit in jure quod quedam domus sita Parisius ultra Parvum Pontem in vico qui dicitur vicus ad Fenum ab oppositis domus monachorum Vallium Sarnaii contigua granchie Johannis Flamingi ex una parte et domui Ade scutiferi ex altera in censiva civium Parisiensium onerata in duodecim denariis capitalis census et in quadraginta uno solidis parisiensibus incrementi census ei obvenerat ex caduco sive successione defuncti magistri Petri de Maceriis quondam fratris ipsius Radulfi Quam siquidem domum cum omnibus et singulis ejusdem domus pertinenciis recognovit se dedisse et in puram et perpetuam elemosinam concessisse priori et conventui ordinis sancti Guillelmi de Monte Rubeo Parisiensis dyocesis cedens ex nunc im perpetuum [] Datum anno Domini MCC septuagesimo die lune post festum beate Marie Magdalene