Charter Document - 05030711
| Charter Number: | 05030711 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie archidiaconi Poissiacensis in ecclesia Carnotensi salutem in Domino Notum facimus quod Guillelmus dictus Laceron de Mellento recognovit se dedisse in puram ac perpetuam elemosinam donatione facta inter vivos sine spe revocandi religiosis viris abbati et conventui Vallium Sarnay quamdam peciam vinee secundum quod in se continet in longitudine et latitudine sitam in territorio de Planis juxta vineas dictorum religiosorum in censiva et dominio domini de Bavaincuria ad tres denarios parisienses censuales annis singulis dicto domino in festo sancti Remigii persolvendos habendam tenendam ex nunc in perpetuum et a dictis religiosis vel ab eisdem causam babentibus pacifice et quiete possidendam promittens [] In cujus rei testimonium presentibus litteris ad petitionem dicti Guillelmi sigillum nostrum duximus apponendum Datum et actum anno Domini millesimo ducentesimo septuagesimo die jovis post Nativitatem beati Johannis Bauptiste