Charter Document - 05030708
| Charter Number: | 05030708 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1270 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Baldoinus de Corbolio miles et Agnes ejus uxor salutem in Domino Noverint universi quod ob remedium animarum nostrarum volumus laudamus et concedimus ut viri religiosi abbas et conventus Vallium Sarnaii teneant et in perpetuum possideant in manu mortua sine coactione vendendi vel extra manum suam ponendi duo arpenta et dimidium vinearum quita et libera ab omni honere censuali et ab omni alio honere excepto honere decimarum que dicte vinee dicuntur les Plantes et site sunt juxta vineam domini de Ulmeyo ex una parte et ex altera juxta vineam domini de Ratalle item viginti octo solidos annui census siti in Canaberis et terris super vicum Fraxurarum solvendi in festo beati Martini hyemalis et in festo beati Martini in marcio item quinque justicias solvendas ad Nativitatem sitas inter Royssiacum et Ulmeyum item terciam partem annui census in magno marisco juxta Royssiacum qui quidem census debet solvi in crastino Pasche Que omnia supradicta dicti religiosi habent et possident ex donacione castellani de Bunou movencia et existencia secundo in feodo nostro Et nos tamquam secundus dominus dictas res manumittimus predictis religiosis ut ipsi possint dictas res in perpetuum tenere in manu mortua prout superius est expressum Et ex nunc renunciamus [] In cujus rei testimonium presentes litteras dictis religiosis sub sigillo nostro tradidimus sigillatas Datum anno Domini MCC septuagesimo mense primo