Charter Document - 05030704
| Charter Number: | 05030704 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1269 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi presentes et futuri quod ego Nicholaa relicta Radulphi Anglici de assensu et voluntate omnium heredum meorum dedi contuli et concessi Deo et religiosis viris abbati et conventui Vallium Sarneii et eorum successoribus pro salute anime mee et dicti Radulphi et antecessorum meorum in puram et perpetuam elemosinam decem solidos parisiennes annui redditus sitos super medietatem cujusdam domus site inter domum Guillelmi dicti le Vauvoleor ex una parte et domum heredum Nicholai Anglici ex altera videlicet super illam medietatem dicte domus que sita est versus domum dicti Guillelmi solvendos annuatim dictis religiosis et eorum successoribus duobus terminis videlicet in festo Omnium Sanctorum quinque solidos et ad Pascha Domini quinque solidos tenendos et in perpetuum possidendos [] Et ut predicta donatio et concessio perpetue firmitatis robur optineat presentem cartam sigilli mei munimine roboravi Actum anno Domini MCCLX nono mense augusto Testibus hiis Nicholao scriptore Roberto Doseule Baldrico oleario Johanne le Cordier et pluribus aliis