Charter Document - 05030700
| Charter Number: | 05030700 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1269 |
| Date type: | Internal, A.D., Feast, Lunar |
| Resource Link(s): |
Cartulaires d'Île-de-France |
Charter:
Noverint universi tam presentes quam futuri quod ego Ricardus dictus Grosle et Johanna uxor ejus de communi assensu nostro vendidimus et concessimus Radulfo dicto Latiere de Gaillone clerico decem et octo solidos parisienses annui redditus quos dictus Radulfus nobis debebat annuatim hiis sequentibus terminis videlicet ad Natale Domini novem solidos et ad Nativitatem beati Jobannis Baptiste novem solidos de domo sua sita in burgo Vernonis inter domum Petri de Portu ex una parte et domum Bricii de Garana ex altera pro decem libris et sexdecim solidis et octo denariis parisiensibus [] Quod si forte contigerit quod dictus Radulfus sive ejus heredes aliqua dampna sive deperdita pro defectu garantie incurrerint ego dictus Ricardus assignavi in contraplegium dicto Radulfo et heredibus suis unam domum sitam in vico sancte Genovefe de Vernone inter domum Symonis dicti Morart ex una parte et domum heredum Girardi le [] defuncti ex altera Et ut hoc firmum et stabile permaneat et duret in posterum ego dictus Ricardus et ego dicta Johanna uxor dicti Ricardi presentem cartam de communi assensu nostro sigillorum nostrorum munimine roboravimus et propter majorem hujus rei certitudinem et confirmationem sigillum prepositure Vernonensis presenti carta una cum sigillis nostris ad petitionem nostram apponi procuravimus Actum anno Domini MCCLX nono die lune ante Nativitatem beati Johannis Baptiste mense junio Testibus hiis magistro Guillelmo de Lega clerico Gilleberto candelario Leonardo de Maio et pluribus aliis