Charter Document - 05030696
| Charter Number: | 05030696 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1269 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Thomas Chauvini de Breteschia juxta Sanctum Nonum asserens se nullum habere heredem de proprio corpore procreatum recognovit et confessus est se religiosis viris abbati et conventui Vallium Sarnai et monasterio eorumdem pure libere et simpliciter dedisse contulisse et concessisse in elemosinam se et sua bona omnia et singula mobilia et immobilia presencia et futura in quibuscumque rebus et locis consistant et quocumque nomine censeantur ab eisdem religiosis eorum monasterio et eorum successoribus post decessum ipsius Thome tenenda habenda et perpetuo possidenda pacifice et quiete Et promisit idem Thomas [] Datum anno Domini millesimo ducentesimo sexagesimo nono mense aprili Jordanus Parisiensis