Charter Document - 05030691
| Charter Number: | 05030691 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1268 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Eremburgis relicta defuncti Renoudi fabri de Orliaco recognovit et confessa est se vendidisse et im perpetuum venditionis nomine quittavisse religiosis viris abbati et conventui monasterii Vallium Sarnaii et eorum successoribus ac monasterio pro octo libris parisiensibus jam ipsi Eremburgi solutis et traditis in pecunia numerata exceptioni non numerate non solute et non tradite sibi dicte pecunie omnino renuncians in hac parte quoddam arpentum terre arabilis in una pecia quam dicebat se habere in territorio de Orliaco in loco qui vulgariter dicitur Terre Regine contiguum ex una parte terre dictorum religiosorum et ex alia parte terre Guillelmi dicti Tyranni de Orliaco liberam et immunem ab omni onere censuali Et promisit dicta Eremburgis [] In cujus rei testimonium presentibus litteris sigillum curie Parisiensis ad petitionem dicte Eremburgis duximus apponendum Datum anno Domini millesimo ducentesimo sexagesimo octavo die sabbati post festum Inventionis sancte Crucis