Charter Document - 05030687
| Charter Number: | 05030687 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1267 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi tam presentes quam futuri quod ego Andreas dictus Booudin de assensu et voluntate omnium heredum meorum dedi et concessi Deo et religiosis viris abbati et conventui Vallium Sarneii et corum successoribus in puram et perpetuam elemosinam omnes conquestus meos ubicumque sitos tam ad villam quam ad campos tam in terris vineis reditibus domibus quam in rebus aliis tenendos et jure hereditario in perpetuum possidendos prefatis religiosis et eorum successoribus libere quiete et pacifice absque aliqua mei vel heredum meorum reclamatione de cetero facienda salvo tamen jure dominico Et ego prefatus Andreas et heredes mei tenemur predictos conquestus dictis religiosis et eorum successoribus contra omnes gentes garantizare et deliberare Et ut predicta donatio et concessio perpetue firmitatis robur optineat presentem cartam sigilli mei munimine roboravi Actum anno Domini MCCLX septimo mense novembri Et ad majorem hujus rei confirmationem et certitudinem et in testimonium omnium premissorum sigillum discreti viri decani de Vernone una cum sigillo meo presentibus litteris apponi procuravi Testibus hiis Nicholao tunc temporis clerico dicti decani Roberto dicto Doseule oleario Ricardo Berte Symone oleario Baldrico oleario Radulpho dicto Thourode Johanne le Cordier et pluribus aliis