Charter Document - 05030685
| Charter Number: | 05030685 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1267 |
| Date type: | Internal, A.D. |
| Resource Link(s): |
|
Charter:
Noverint universi presentes et futuri quod ego Ricardus dictus Galois de Fonteneio de assensu et voluntate omnium heredum meorum dedi et concessi Deo et ecclesie beate Marie Vallium Sarneii et religiosis viris abbati et conventui ibidem Deo servientibus et eorum successoribus in puram et perpetuam elemosinam pro salute anime mee et antecessorum meorum decem solidos parisienses annui redditus quos Ricardus et Lucas dicti Galli michi debebant annuatim de masura sua sita in vico Potart inter domum et masuram domicelle Asceline de Mesnillo ex una parte et domum Johannis barbe tonsoris ex altera et omne jus et dominium quod habebam in dicta masura reddendos annuatim predictis religiosis et eorum successoribus in festo Omnium Sanctorum Item dedi et concessi predictis religiosis medietatem omnium bonorum meorum mobilium ubicumque existentium post decessum meum tenendos et jure hereditario in perpetuum possidendos [] Et ut predicta donatio et concessio perpetue firmitatis robur optineat presentem cartam sigilli mei munimine roboravi Actum anno Domini MCCLX septimo mense octobri Testibus hiis Roberto dicto Doseule Symone oleario Baldrico oleario Radulfo dicto Thourode et pluribus aliis