Charter Document - 05030678
| Charter Number: | 05030678 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1266 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis ego Johannes miles dominus de Codreio Lesyart salutem in Domino Noveritis quod ego venditionem quam Johannes de Pomeret armiger et Ysabellis domicella ejus uxor fecerunt religiosis viris abbati et conventui Vallium Sarnaii de decem arpentis terre arabilis vel circiter sicut se comportat in longitudine et latitudine de feodo meo site in loco qui dicitur Vallis Frogeri contigue ex una parte terre predictorum religiosorum et ex altera parte terre domini Thome de Chaumucon militis volo laudo approbo et concedo et quod dictam terram dictis religiosis admortificavi et admortifico in futurum volens et concedens quod dicti religiosi dictam terram teneant in manu mortua et in perpetuum possideant sine coactione aliqua vendendi vel extra manum suam ponendi et absque contradicione aliqua heredum meorum pacifice et quiete promittens [] In cujus rei memoriam et testimonium presentes litteras dedi predictis religiosis ad requisitionem predictorum Johannis et Ysabellis sigilli mei munimine roboratas Datum anno Domini millesimo ducentesimo sexagesimo sexto sabbato post festum beati Nicholai hyemalis