Charter Document - 05030670
| Charter Number: | 05030670 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1266 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis curie Parisiensis salutem in Domino Notum facimus quod Johannes de Bello Quadro de Trousello Parisiensis dyocesis et Johanna ejus uxor asseruerunt quod ipsi habebant et percipiebant annis singulis in festo beati Dyonisii sex denarios parisiennes capitalis census super quadam pecia vinee site in territorio de Villanova Sancti Georgii in loco qui Colosa vulgariter appellatur quam vineam tenent Genovefa dicta la Bedoyne vidua et Robertus dictus Lambergi ad censum predictum a dictis Johanne et ejus uxore libere absque alio onere oneratam ut dicebant Quos sex denarios capitalis census predictos dederunt et consesserunt nomine permutationis in perpetuum abbati et conventui Vallium Sarnaii percipiendos et habendos annis singulis in dicto termino super dicta vinea a dictis abbate et conventu et solvendos eisdem a dictis Genovefa et Roberto et eorum heredibus seu eorum successoribus in futurum cedentes et transferentes ex nunc in futurum in dictos abbatem et conventum et eorum successores omne jus dominium proprietatem possessionem teneuram et actionem totam que sibi competebant seu competere poterant in dictis vinea et censu quoquo modo seu quocunque jure nichil juris sibi aut heredibus suis in premissis retinentes promittentes [] Datum anno Domini millesimo ducentesimo sexagesimo sexto mense aprili