Charter Document - 05030660
| Charter Number: | 05030660 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1265 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Petrus dictus Quarre de Ulmeio et Eustachia ejus uxor ex devotione quam habent ad religiosos viros abbatem et conventum Vallium Sarnaii recognoverunt se dedisse et concessisse in puram et perpetuam elemosinam dictis religiosis et eorumdem monasterio omnia bona sua mobilia et immobilia presencia et futura adquisita et adquirenda retento sibi in bonis predictis quoad vixerint solummodo si voluerint usufructu Promittentes [] Quod ut ratum et stabile permaneat in futurum presentes litteras inde factas de assensu et voluntate dictarum parcium sigilli nostri munimine voluimus roborari Actum anno Domini MCCLX quinto mense novembri